Ինչպե՞ս ստուգել վահանաձև գեղձի աշխատանքը տնային պայմաններում.

Ավելի քան կես դար առաջ բժիշկ Բրոդա Օտտո Բարնսը հայտնաբերել է, որ մարմնի ջերմաստիճանը, հատկապես անմիջապես արթնանալուց հետո, խոսում է վահանաձև գեղձի վիճակի մասին: Նա հրապարակել է վահանաձև գեղձի գործառույթի մասին մի գիրք և նույնիսկ ստեղծել է մի թեստ, որը հնարավուրություն է տալիս տնային պայմաններում ստուգել այս օրգանի վիճակը:Թեստն անցկացնելու համար անհրաժեշտ է երեկոյան ջերմաչափի սնդիկի սյունն իջեցնել մինչև 35 աստիճան, պառկել քնելու, իսկ առավոտյան ջերմաչափը դնել թևատակում և պահել մոտ 10 րոպե: Արդյունքում՝ «առավոտյան հիմնական ջերմաստիճանը» ցույց կտա վահանաձև գեղձի վիճակը.

1. Եթե ջերմաստիճանը 36,5-36,8 աստիճան է, ապա վահանաձև գեղձի աշխատանքը կանոնավոր է:

2. Եթե ջերմաստիճանը 36,5-ից ցածր է, ապա վահանաձև գեղձև դանդաղ է աշխատում: Այս դեպքում կարող են նկատվել հետևյալ ախտանշանները.

հոգնածություն,մազաթափություն,հիշողության վատացում,դեպրեսիաներ,էներգիայի պակաս, քրոնիկ գլխացավեր,վարակներ և այլն:

3. Եթե ջերմաստիճանը 36,8-ից բարձր է, ապա վահանաձև գեղձը աշխատում է արագացված ռեժիմով կամ օրգանիզմում կան վարակներ:

Ավելի հստակ պատասխանի համար անհրաժեշտ է թեստը կրկնել 3 օր անընդմեջ: Վահանաձև գեղձի աշխատանքի խանգարումների դեպքում խորհուրդ է տրվում անհապաղ դիմել մասնագետի՝ հստակ աշխտորոշելու, օրգանիզմի վիճակը ստուգելու և բուժման հնարավոր տարբերակները քննարկելու համար:

Բացի այդ, ջերմության տատանումները կարող են կախված լինել նաև կանանց մոտ դաշտանի շրջանում օրգանիզմում եղած վարակներից, ուստի լավ կլինի թեստն անցկացնել լիովին առողջ լինելու դեպքում և երբ դաշտանային ցիկլը ավարտված է:Հարկ է նաև հիշել,

որ վահանաձև գեղձի խնդիրները կանխելու համար անհրաժեշտ է խուսափել սթրեսային իրավիճակներից, հոգ տանել լյարդի առողջության մասին և ընդունել մագնեզիում, A և B վիտամիններ, սելեն և հիդրոկորտիզոն: